أنوي وشوف زهرك ؟؟؟؟(لبنات فقط)

هنا حطيت 10بوقالات ا لمن تدخل
تنوي على رقم من 1 الى 10وتشوف البوقالة لي طحتلها

1-لو كان السعود تنغرس بالعود نغرس ميات عود في وطيّة ، لكن السعود بيدّك يا معبود . يا سقام السعود سقم لي سعدى

2-. ما ناكلش من جنان الجنة لو يشهيني ....وما ناخذش الشيخ ولو يغنيني.... ناخذ الشباب بيض ولا سمر ...المهم هولي يملالي عيني

3-دزيت باب الرياض ...والنسري ناداني... والورد فتحلي الباب ...والزهر عانقني ...والياسمين ذالك الشباب هو لي معذبني

4-رشّيت عتبة الباب بالزهر و الطّيب ، وسقيت كل الأحباب بالعسل و الزبيب ، و كى نسيت جاني جواب كنت نستناه من عند البعيد.

5-خرجت نهار الجمعة ، في يدى شمعة ، قالولي أمسحى ذيك الدمعة ، و انساي الخلعة ، قريب يتلموا احبابك و صحابك و يفرحوا معاك الجماعة .

6-جايز على باب دارنا ، لابس تلمساني ، قتلو يا شيخ بالاك تنساني ، قاللها والله ما ننساك ، ونصيبك على ربي جاه و سلطاني.

7-خرجت ليلة الجمعة ، في يدى شمعة ، خرج لي ملاك حنين قالي : يا بنت السحاب حاجتك راه مقضية ، قلت ليه : يا سيدي طالت المدة ، قالى : روحى لدارك تصيبيها قدّامك

8-دارنا في الجبل ، مقابلة مكة ، مفتاحها من ذهب ، يشعل ما يطفي

9-امّنت بالله ، و المنام رؤية من عند الله ، حمامة بيضا جات ترفرف عليّ ، معاها حصان توقّف بين يديّ

10-الناس تنده بالرجال و الوالي ، وانا ننده بربي العالي

:وكل وحدة تقول البوقالة لي جات من زهرها
لبنات الذكور ميدخلوش هذا شرط